பலூன் மாமா

பெங்களூரில் குழந்தைகளுடன்

2007-10-18T01:24:00.000-04:00

பெங்களூர் பதிவர்கள் ஏற்பாடு செய்திருந்த குழந்தைகள் நிகழ்ச்சியில் குழந்தைகளுடன்.

மோகன்தாஸ்::பெங்களூர் வலைபதிவர் சந்திப்பு படங்கள்(மட்டும்)
http://imohandoss.blogspot.com/2007/07/blog-post_15.html

மோகன்தாஸ் வருகை - பெண்கள் தெறித்து ஓட்டம் :
http://imohandoss.blogspot.com/2007/07/blog-post_17.html

தீபா::பங்களூர் வலைப்பதிவர் சந்திப்பு
http://thoduvanamnamullathil.blogspot.com/2007/07/blog-post_16.html

செந்தழல் ரவி::பெங்களூர் வலைப்பதிவர் சந்திப்பு - தழலின் பார்வையில்...
http://tvpravi.blogspot.com/2007/07/blog-post_15.html

பெங்களூரூ வலைப்பதிவர் சந்திப்பு - அனுபவங்கள்
http://raamcm.blogspot.com/2007/07/blog-post_16.html

மதுரை மாரத்தான் அது மதுரை மாறத்தான்!

2007-01-05T02:58:00.000-05:00

.

10 வருடங்களுக்கு முன் பிஸ்லரி குடிப்பது என்பது சாதரண மக்களால் வேடிக்கையாக பார்க்கப்பட்டும் ,பிஸ்லரி குடிப்பதை பெருமையாக கருதிய நடுத்தட்டு வர்க்கமும்,அதிலேயே வாழ்ந்த மேல்தட்டு வர்க்கமும் இருந்தது.இன்று பாட்டிலில் அடைக்கப்பட்ட நீர் அனைவரும் பருகும் ஒரு சாதாரண விசயமாகிப் போய்விட்டது. கோக் ,பெப்ஸி போன்ற நிறுவனங்கள் போட்டி போட்டு நம் தண்ணீரை நமக்கே விற்று காசு பார்க்கின்றன.இதில் கொடுமை என்னவென்றால் தாமிரபரணி போன்ற ஆற்றுவளங்களை கொள்ளை அடிக்கிறார்கள் இவர்கள், இதனைக் கேட்பாரில்லை.மக்களிடம் உள்ள ஒரு மேம்போக்கான பார்வையே நமக்கு உள்ள குறைபாடு.

மதுரை மாரத்தான் 2007 நிதி சேகரிப்புக்காக பலூன் மாமா

முன்பெல்லாம் மதுரை டீக்கடைகளில் வெளியே ஒரு ட்ரம்மில்(எவர் சில்வர் stainless steel) தண்ணீர் வைத்து ஒரு நசுங்கிப்போன ஒரு டம்ளர் தொங்கிக்கொண்டு இருக்கும். இப்போது அப்படி ஒன்றை பார்க்கவே முடியாது.கார்ப்பரேசன் தண்ணியையே 1 ரூபாய் பவுச்சில் விற்று காசு பார்கிறார்கள்.

நாம் தண்ணீர் பிரச்சனைக்காக சண்டை போடத அண்டை மாநிலங்களே கிடையாது.ஆனால் இருக்கும் நீர் நிலைகளை பாதுகாக்க வேண்டும் என்ற எண்ணம் இல்லை.அது போல் மழை வந்தால் ஒரே வெள்ளக்காடாகும் நகர்புறங்களில் அதை சேமிக்க தொலை நோக்குத் திட்டம் ஏதும் இல்லை. நீர்நிலைகள் மேம்படுத்தவும் அது பற்றிய விழிப்புணர்வை ஏற்படுத்தவும்,இராமநாதபுர மவட்டங்களில் மக்களுக்கு ஊருணி அமைத்துக் கொடுக்கவும் மதுரையில் வரும் சனவரி 13,2007 ல் பொது மக்கள் பங்கு கொள்ளும் குறைந்த தொலைவு மாரத்தான் நடைபெற உள்ளது.மதுரை மாவட்ட ஆட்சித் தலைவரை தலைமையாகக் கொண்டு ஒருங்கிணைப்புக்குழு அமைக்கப்பட்டுள்ளது.

இது சம்பந்தமான பத்திரிக்கை அறிவிப்புகள்:
http://www.maduraimarathon.in/media.php

இந்த நல்ல காரியத்தில் அனைவரும் பங்கு கொள்ளலாம்.

1.ஊரில் உள்ளவர்கள் நேரடியாக ரூ. 10/- கொடுத்து பதிவு செய்து கொள்ளலாம்.

2.வெளியூரில் உள்ளவர்கள் தாங்கள் பங்குபெற இயலாவிட்டாலும் ஓடுபவர்களுக்கு Sponsor செய்து உதவலாம்.

மதுரையில் அனைத்து மக்களுக்கும் ஒரு பொதுவான கொண்டாட்டம் இல்லை. சித்திரைத் திருவிழா பெரிய திருவிழாதான். ஆனால் அது மதம் கடவுள் சம்பந்தப்பட்டது. எனவே இந்த விழிப்புணர்வு ஓட்டம் ஒரு சமுதாயக் கொண்டாட்டமாகவும் இருக்கும் வண்ணம் அன்று முழுவதும் மருத்துவக் கல்லுரி மைதானத்தில் தண்ணீர் பற்றிய கலை நிகழ்ச்சியகள் உண்டு. விழாவிற்கு வருபவ்ர்க்ளின் பசி நீக்க உணவுக் கண்காட்சியுமுண்டு.அனைத்து நிகழ்ச்சிகளும் நீர் விழிப்புணர்வுக்காகவும் குறிப்பிட்ட நீர் நிலைகளை மேம்படுத்தவும் நடத்தப்படுவதால் மிக குறைந்த அளவு கட்டணம் வசூலிக்கப்படுகிறது.

மதுரை மாமாணிகளும், மதுரையில் பெண் கொடுத்தோரும், பெண் எடுத்தோரும்,மற்றும் அனைத்து நண்பர்களும் தண்ணீர் பற்றிய இந்த விழிப்புணர்வு நிகழ்வில் பங்கேற்று, தண்ணீர் என்ற ஒரு அத்தியாவசியமான ஒரு இயற்கை வளத்தை காக்கவும் , அது வரும் தலைமுறைக்கும் கிடைக்கவும் உறுதியேற்று பங்களிக்க வேண்டுகிறேன்.

தமிழரின் நன்றித் திருநாளாம் பொங்கலை இந்த இயற்கை வளத்திற்கு நன்றி சொல்லி தொடங்குவோம்.அனைவரும் பங்கேற்பீர். பங்கு கொள்ள முடியாவிட்டாலும் நீர் வளம் காக்க நிதி அளிப்பீர்.

மேலதிகத் தகவலுக்கு http://www.maduraimarathon.in

குறிப்பு:

பிஸ்லரி = சுத்திகரிக்கப்பட்ட நீர்

Photocopy அனைத்தும் எப்படி Xerox ஆனதோ அது போல் அப்போது (இப்போதும் பல இடங்களில்) Mineral water அனைத்தும் பிஸ்லரியாகவே ஆனது.

தமிழ்ப்பதிவுகள்
தமிழ்

உலகின் முதல் இளம் பலூன் சிற்பி

2006-01-18T13:41:00.000-05:00

பதிவு 12: உலகின் முதல் இளம் பலூன் சிற்பி

நான் செய்ற பலூன் சிற்பங்களைப் பார்த்து எனது மகனும் (4 வயது ) பலூன் சிற்பங்கள் செய்ய ஆரம்பித்து விட்டான். நமக்கு நாமே திட்டத்தின்படி "உலகின் முதல் இளம் பலூன் சிற்பி" யாக இவனை அறிவிக்கிறேன். அவன் செய்து காட்டிய முதல் சிற்பங்கள். ஓட்டகச் சிவிங்கி (Giraffe) மற்றும் நாய் குட்டி.

Balloon Sculpture என்பதற்கு பலூன் சிற்பங்கள் என்பது பொருந்தும்தானே?
A sculpture is a three-dimensional, man-made object selected for special recognition as art.

தமிழ்ப்பதிவுகள்
தமிழ்

சென்னையில் பலூன் புயல்

2005-12-22T13:42:00.000-05:00

பதிவு 11: சென்னையில் பலூன் புயல் கணேஷ்

ரொம்ப நாளாவே எனக்கு இந்த சந்தேகம் இருந்துக்கிட்டே இருந்திச்சு. பல முறை கூகிள் சாமிகிட்ட கேட்டும் அவர் ஒரே குப்பையாத்தான் கொட்டினார்.சரி நம்ம வேண்டும் முறைதான் (search string) சரியில்ல அப்படின்னு மனச தேத்திக்கிட்டேன்.இன்னைக்குத்தான் சரியான தகவல் கிடைச்சுச்சு. ஆமா நம்ம தொழிலுக்குப் போட்டியா ஏற்கனவே தமிழ்நாட்டில் இன்னொருத்தர் இருக்கார். அவர்தான் புயல் கணேஷ். இவரைப்பற்றி மேலும் தெரிந்து கொள்ள இங்கே போங்க.

http://www.angelfire.com/me2/puyal/
http://www.angelfire.com/me2/puyal/Homepage.html

5 வருசத்துக்கு முன்னாடியே இவரைப்பற்றி ஆனந்தவிகடனில் செய்தி வந்து இருக்கிறது.இவர்தான் இந்தியாவின் முதல் பலூன் SCULPTOR என்று சொல்கிறார். சரி சரி நம்ம இரசிகர்கள் எல்லாம் கோபப் படவேண்டாம். இவருக்கு 14 வருட மேஜிக் அனுபவமும் 5 வருட பலூன் அனுபவமும் இருக்கும் என்று தெரிகிறது. எனக்கு இந்த செய்தி மிகவும் சந்தோசமாக இருக்கு. இந்தியா போனால் இந்த பலூனை ரொம்ப பிரபலமாக்கலாம். கல்யாணம் காட்சிகள்ல குழந்தைகளை மகிழ்வித்து எதோ டீச் செலவுக்கு வச்சுக்கலாம். ஹலோ டீச்செலவுன்னு சொன்னவுன்ன எதோ தி.மு.க தலைவர் கருணாநிதி சொன்ன டீக்கணக்கு மாதிரி நினைக்காதீங்க அதெல்லாம் பெரிய டீ விவகாரம். நம்மளமாதிரி தெருவுல வித்தைகாட்டுற மகாசனங்களுக்கு என்ன கிடைக்கப்போகுது? நாயர் கடைச் சாயாதேன்.

சென்னையில இருக்கும் மக்கள் யாராவது புயலைப் பிடிக்கணுமின்னா இங்கே போய்ப் பிடிக்கலாம்.

MAGICIAN AND BALLOON SCULPTOR
48/46, MAHADEVAN STREET, WEST MAMBALAM,
CHENNAI 600 033 Tamil Nadu, India.
PHONE: 091-044-24749138 & 9444049138

மயில் அனுப்ப puyal [at] ஹாட்மெயில் டாட் காம்

அதுபோல டெல்லிவாலாக்கள் இவரைப் பிடிங்க.

VIJAY MENDIRATTA
Navsarjan Design Consultants
B-9, Sarita Vihar
Delhi, Delhi 110076

மயில் அனுப்ப revirut [at] யாஹூ டாட் காம்

இந்தியாவில் பலூன் மற்றும் அது சம்பந்தமான பொருட்கள் வாங்க:

Magic Wand
New Delhi, India
+91-11-5163-8821
மயில் அனுப்ப : magiczoomz [at] மெயில் டாட் காம்

Concepts
New Delhi, India
+91-11-2610-8217
மயில் அனுப்ப : plusflora [at] vsnl டாட் காம்

மேலும் விவரங்களுக்கு:
http://www.qualatex.com/pages/distributors.php
http://www.qualatex.com/balloons/fap_searchbycity.php

ரொம்ப முக்கியம்:
மேலெ உள்ள தகவல்கள் பல இணையப் பக்கத்தில் இருந்து எடுத்துப் போட்டது. எதுக்கும் மயில் அனுப்பி அல்லது தொலைபேசி தகவலை சரி பார்த்துக்கங்கோ. இதனால் வரும் எந்த வில்லங்கத்துக்கும் நான் பொறுப்பல்ல.

****************
தமிழ்ப்பதிவுகள்

தமிழ்
****************

பதிவு10: பலூன் Super Heroes

2005-11-23T09:30:00.000-05:00

பலூனில் சாதரணமான நாய், தொப்பிகள் போன்றவை செய்வது சுலபம். ஆனால் மனித உருவங்கள் செய்வது சிறிது சிரமம். சமீபத்தில் நான் Ken Stillman-ன் பயிற்சிவகுப்பில் கலந்து கொண்டேன். இதில் பல பலூன் மற்றும் Clown களுடன் பழகும் வாய்ப்பு கிடைத்தது. Ken Stillman உலக அளவில் அறியப்பட்டவர். பல நாடுகளுக்குச் சென்று பலூன் பயிற்சி வகுப்புகளை நடத்துபவர். அவரிடம் இருந்து பல விசயங்களைக் கற்றுக்கொண்டேன்.

அவரது பயிற்சியின் மூலம் நான் செய்த முதல் சூப்பர் ஹிரோக்கள்.

அவரைப் பற்றி மேலும் அறிய:
http://tmyers.com/aboutken.html

CARTOON BALLOONENCYCLOPEDIA & HITCH HIKING HATS புத்தகங்கள்
http://tmyers.com/book/stillman.html

Super Heroes Team 1 DVD ஆக கிடைகிறது:
http://tmyers.com/CD/stillman.html

****************
தமிழ்ப்பதிவுகள்

தமிழ்
****************

பதிவு 09:இந்த வருட Halloween படங்கள்

2005-11-11T15:36:00.000-05:00

எனது மகன் தீயணைப்பு வீரனாகவும், எனது மகள் Halloween பூசணிக்காயாகவும் வேசம் கட்ட நான் குரோசே மார்க்ஸ் போன்ற ஒரு முகத்துடன்

---------------------------------------------------------------------
எங்களது வீட்டிற்கு முன்னால்

---------------------------------------------------------------------------------

நண்பரின் குழந்தைகளுடன் வணிகவளாகத்தில் மிட்டாய் வாங்க சென்றபோது

--------------------------------------------------------------------------

அலுவலகத்தில் குழந்தைகளுடன்

-------------------------------------------------------------------

அலுவலக நண்பர்களுடன்

---------------------------------------------------------------------------------------பூசணிக்காய் பெளலிங்

----------------------------------------------------------------------

அலுவலகத்தில் நடந்த பொடுசுகளுக்கான பேரணியில்

-----------------------------------------------------------------------

பள்ளித் தோழர் தோழிகளுடன் உலகத்தின் தலைசிறந்த தீயணைப்பு வீரன்

--------------------------------------------------------------------------

பள்ளியில் நடந்த பேரணியில்

****************
தமிழ்ப்பதிவுகள்

தமிழ்
****************

பதிவு:08 Balloons For Tips நிகழ்ச்சி

2005-11-01T10:21:00.000-05:00

சென்றமாதம் அக்டோபர் 08,2005 தேதி Balloons Around the World சார்பாக எனது பலூன் சகாக்களுடன் Northgate Mall Center Court ல் Durham Rescue Mission க்காக காலை 11:00 மணி முதல் மாலை 3:00 மணி வரை Balloons For Tips நிகழ்ச்சி செய்தோம்.

"பலூன் மேன் மைக்" , "பலூன் கிரேஸி கேரி" மற்றும் இந்த "பலூன் மாமா" மூவரும் காலை பத்து மணிக்கே வணிக வளாகத்திற்குச் சென்றுவிட்டோம். கேரி அவரது Sky Dancer ஐ கொண்டுவந்து இருந்தார். அதைப் பறக்க விட்டவுடன் அந்த இடத்திற்கு குழந்தைகள் கூட்டம் வரத்தொடங்கிவிட்டது. குழந்தைகள் மட்டும் இல்லாமல் பெரியவர்களும் ஆர்வமாக வந்து பலூன் பொம்மைகள் வாங்கிச் சென்றார்கள். அந்த வணிக வாளாகமே அன்று பலூன் தலைகளால் நிறைந்துவிட்டது. எங்கு பார்த்தாலும் குழந்தைகள், நாங்கள் செய்து கொடுத்த பலூன் தொப்பிகளுடன் வலம் வந்து கொண்டு இருந்தார்கள். 11 மணிக்கு ஆரம்பித்த நாங்கள் இடைவிடாமல் மூன்று மணிவரை பலூன் செய்து கொடுத்தோம்.

எனது ஆஸ்தான புகைப்படக்காரர் எனது மனைவிதான். இந்த நிகழ்ச்சி நடந்த இடம் வீட்டில் இருந்து வெகுதொலைவில் இருப்பதால் அன்று வரமுடியவில்லை. நாங்கள் மூவருமே பலூன் செய்வதில் ரொம்ப பிஸியாக போய்விட்டதால் அந்த நிகழ்ச்சியை போட்டோ எடுக்க மறந்து விட்டோம். நல்ல நிகழ்ச்சி .வந்தவர்கள் அனைவரும் கொடுத்த Tips மொத்தம் US $ 239.97 சேர்ந்து விட்டது. இந்த தொகை Durham Rescue Mission க்கு கொடுக்கப்பட்டு விட்டது.

உதவி செய்த நல்ல உள்ளங்களுக்கு நன்றி.

உலக அளவில் நடந்த இந்த நிகழ்ச்சியின் புகைப்படங்களை இங்கு காணலாம்.

http://www.balloonhq.com/batw/photoindex.php?CCHK=1

பதிவு07: CRY பாலூன் பார்க்கும் குழந்தைகள்

2005-10-14T00:32:00.000-04:00

CRY சேவை அமைப்புக்காக நடத்தப்பட்ட Walk For Child Rights 2005 நிகழ்ச்சியில் பாலூன் மாமா

CRY க்காக அதன் தன்னார்வத் தொண்டர்களும் நடைப்பயணத்தில் கலந்து கொள்ளவந்த ஆர்வலர்களும் North Cary Park ல் அக்டோபர் 01,2005 சனிக்கிழமை காலை 10:00 மணியில் இருந்து வரத்தொடங்கிவிட்டனர். நான் எனது மனைவி மற்றும் குழந்தைகளுடன் சென்று இருந்தேன். நிகழ்ச்சியின் அமைப்பாளர் சரவணன் எனக்காக ஒரு பூத் அமைத்திருந்தார்.

இது போல் பல பூத்கள் அமைக்கப்பட்டு இருந்தன. மருதாணி, Clown , Majic Show என்று பல பல நிகழ்ச்சிகள் ஏற்பாடு செய்யப்பட்டு இருந்தது.

என்னுடைய பூத்திலேயே "கைரேகை ஜோசியம்" சொல்லும் எனது நண்பர் ஒருவர் இருந்தார். நானும் அவரும் அந்த பூத்தைப் பகிர்ந்து கொண்டோம்.

ஒவ்வொரு பூத்திலும் ஒரு கட்டணம் வசூலிக்கப் பட்டது. மொத்தமாக பணம் செலுத்தி டோக்கன் வாங்கிக் கொண்டவர்கள் அந்த அந்த பூத்திற்குத் தகுந்தவாறு டோக்கன் கொடுத்து சேவையைப் பெற்றனர்.

வந்திருந்த அனைத்துக் கலைஞர்களும் தங்களின் நேரத்தை CRYக்காக இலவசமா வழங்கினர். எங்களால் சேமிக்கப்பட்ட அனைத்துப் பணமும் CRY அமைப்பிற்கு வழங்கப்பட்டது.

நடைப்பயணத்தில் கலந்து கொள்பவர்கள் $10 கொடுத்து அவர்களின் பெயரைப் பதிவு செய்து கொண்டு இருந்தார்கள். பதிவு செய்த ஒவ்வொருவருக்கும் ஒரு T-Shirt கொடுக்கப்பட்டது.

30 ல் இருந்து 40 குழந்தைகள் வரை வந்து இருந்தனர். 11:30 மணிவாக்கில் CRY நடைப்பயணம் ஆரம்பித்தது. பெற்றோர்கள் தங்களின் குழந்தைகளுடன் நடைப்பயணத்தை ஆரம்பித்தனர். சுமார் அரைமணி நேரம் கழித்து ஒவ்வொருவராக நடைப்பயணத்தை முடித்துவிட்டு வரத் தொடங்கினர்.

நடைப்பயணதில் கலந்து கொண்ட குழந்தைகள் போக பூங்காவிற்கு சும்மா வந்த மற்ற குழந்தைகளும் பலூன் மாமவைச் சுற்றிக் கொண்டனர். ஆகா பலூன் மாமா வசமா மாட்டிகிட்டார்.

அன்று நான் வண்ணத்துப்பூச்சி தொப்பி , பூ, போர்க் கத்தி (sword) ,கிளி, அன்னப் பறவை மற்றும் பலவிதமான தொப்பிகளைச் செய்து கொடுத்தேன். வந்தவர்கள் மிகவும் தாராளமாக நிதி வழங்கினர்.
சுமார் இரண்டரை மணி நேரம் குழந்தைகளுடன் குழந்தைகளாக செலவழித்தேன்.

பிங்க் பூ தான் வேண்டும் என்று கேட்டு வாங்கிச் செல்லும் இந்தக் குழந்தையின் முகத்தில் எத்தனை மகிழ்ச்சி !!

இந்த நிகழ்ச்சியின் போது எனது மகனையும் மகளையும் என்னால் கவனிக்க முடியவில்லை. மனைவிதான் பார்த்துகொண்டு இருந்தார். வீட்டிற்கு வந்தவுடன் எனது மகன், நான் பூங்காவில் மற்ர குழந்தைகளுக்கு செய்து கொடுத்த அனைத்துப் பலூன்களும் வேண்டும் என்று கேட்டான். பூங்காவில் என்னைத் தொந்தரவு செய்யாமல் இருந்ததற்காக நான் அவனுக்கு சில பலூன் தொப்பிகளைச் செய்து கொடுத்தேன்.

பதிவு:06 நிலநடுக்கம்- இரங்கலும் வருத்தமும்

2005-10-12T12:37:00.000-04:00

நிலநடுக்கம்/ பூகம்பத்தால் உயிரிழந்த பாகிஸ்தான் ஆக்ரமிப்பு காஷ்மீர்,பாகிஸ்தான் மற்றும் இந்தியா பகுதி மக்களுக்கு எனது இரங்கலைத் தெரிவித்துக் கொள்கிறேன்.

மேலும் விவரங்களுக்கு:http://in.rediff.com/news/quake05.html

சமீபகாலமாக உலகளவில் நடந்து வரும் இயற்கைச் சீற்றங்கள் கவனிக்கப்பட வேண்டியவை. "Global Warming", காடுகள் அழிப்பு, வாகன மற்றும் ராசாயனக் கழிவுகளால் ஏற்படும் சுற்றுப்புரக் கேடுபோன்றவை கவனிக்கப்பட வேண்டியவை.

இதற்கு என்றே உலக அளவில் ஒரு அமைப்பைத் தோற்றுவிக்க வேண்டும். அனைத்து நாடுகளும் தங்களின் ஆயுதக் குவியலுக்கு செலவிடும் தொகையில் ஒரு பகுதியை இந்த அமைப்பிற்கு கொடுத்தால் நல்லது.

பதிவு 05: Office Picnic Photos Aug 23,2005

2005-09-20T15:40:00.000-04:00

Office Picnic Photos Aug 23,2005

பதிவு 04: அறிவிப்பு Upcoming Events

2005-09-16T08:52:00.000-04:00

பலூன் மாமாவை இங்கு பார்க்கலாம்

CRY சேவை அமைப்புக்காக நடத்தப்படும் Walk For Child Rights 2005 நிகழ்ச்சியில் கலந்து கொண்டு குழந்தைகளுக்காக பலூன் நிகழ்ச்சி (Show) செய்ய உள்ளேன்.

அதுபோல் Balloons Around the World சார்பாக எனது பலூன் சகாக்களுடன் Northgate Mall Center Court ல் அக்டோபர் 08,2005 தேதி Durham Rescue Mission க்காக காலை 11:00 மணி முதல் மாலை 3:00 மணி வரை Balloons For Tips நிகழ்ச்சி செய்ய உள்ளோம்.

பதிவு 03: பலூன் அடிப்படைகள் (Basics)

2005-08-31T00:10:00.000-04:00

எல்லோருக்கும் பலூன் மாமாவின் வணக்கம்.

முதலில் நான் பலூன் செய்வது பற்றி எழுத நினைத்தேன். தமிழில் இதற்கு ஏதேனும் புத்தகம் இருக்கிறதா என்று தெரியவில்லை. ஆனால் இணையத்தில் கடல் போல் விவரங்கள் உள்ளன. தற்போது நான் எழுத வேண்டும் என்றால் 80% மொழிபெயர்ப்பாகத்தான் இருக்கும். இருந்தாலும் ஒரு சில விஷயங்களை தமிழில் பகிர்ந்து கொள்ள ஆசை.

பலூன் பொம்மைகள் செய்வதற்கு முதலில் பொறுமை வேண்டும். அப்புறம் இருக்காத என்ன? செய்து கொண்டு இருக்கும் போதே பட் பட் என்று உடைந்து போய்விடும். அதுவும் குழந்தைகளின் முன்னால் செய்து கொண்டு இருக்கும் போது பலமுறை நாம் பலூனை உடைத்துவிட்டால் அவர்கள் நம்மை ஒரு பார்வை பார்ப்பார்கள் பாருங்கள்...

என்னா மேன் ஒரு பலூன் கூட உருப்படியா செய்யத்தெரியல பெரிய பீலா விடுக்கினு எங்ககிட்ட பிலிம் காட்ட வந்துட்ட ...

என்பது போன்ற ஒரு பார்வை பார்ப்பார்கள்.மேலும் இதில் எது செய்தாலும் அதிக பட்சம் 3 நாட்கள்தான் இருக்கும். அதன்பின் காற்றுப்போய் உருக்குலைந்துவிடும்.

பலூன் பொம்மைகள் செய்வதற்கு என்ன என்ன பொருட்கள்
**அவசியமான ** தேவை?

1.Pump
2.பலூன்கள்

அம்புட்டுத்தான் :-)

பலூனின் வகைகள் (Shapes or Variety ):

Pencil type
Rounds
Geo-blossoms
Hearts
Bee-bodies (321Q)

etc..

மேல் சொன்னவற்றில் அதிகமாக பயன்படுத்தப்படும் பலூன் வகை Pencil type. இது 160,260,350 என்ற பல அளவுகளில் வருகிறது. அவற்றில் முக்கியமானது 260 Q எனப்படுவது.

2" சுற்றளவு 60'' நீளம் அதுவே 260Q என்பதன் அர்த்தம்.
அது போல் 1" சுற்றளவு 60" நீளம் = 160Q
3" சுற்றளவு 50" நீளம் = 350Q

செய்யப்போகும் பொம்மை/உருவத்திற்குத் தகுந்தவாறு பாலூன் வகைகள் பயன்படுத்தப்படும்.

260Q பலூனே பெறும்பாலும் பலூன் பொம்மைகள் செய்ய பயன்படுகிறது. round,heart மற்றும் பிற வகைகள் இதனுடன் சேர்த்தே பயன்படுத்தப்படும். உதாரணத்திற்கு 260Q வில் ஒரு மனிதனின் உடம்பு முழுவதையும் செய்துவிடலாம். ஆனால் மனித தலைகக்கு heart shape தேவைப்படும்.
பல்வேறு பலூன் வகைகளை இங்கு காணலாம் --> TMyers Balloon Index

அதுபோல் pump லும் பலவகைகள் உண்டு. கை pump , electric pumps..etc
பல்வேறு Pump வகைகளை இங்கு காணலாம் --> TMyers Pump Index

பதிவு 02: பலூன் மாமா அறிமுகம்

2005-08-19T09:49:00.000-04:00

தமிழ் வலைப்பதிவு நண்பர்களுக்கு வணக்கம். உங்களுடன் எனது அனுபவங்களைப் பகிர்ந்து கொள்ள ஆசை. பலூன் ஊதுவது மூலம் ஏதும் சாதித்துவிடமுடியாது. ஆனால், குழந்தைகளின் மனங்களை கொள்ளை கொள்ள முடியும்.

அரசியல்,சினிமா,இலக்கியம்,சமூகம் மற்றும் பல உலக விசயங்களை எழுதி விவாதித்துவரும் நீங்கள் இந்த பலூன் மாமாவையும் வரவேற்பீர்கள் என்று நம்புகிறேன்.

தமிழ்மணத்தில் பலூன் மாமாவுக்கு இடம் கொடுத்த தமிழ்மண நிர்வாகிகளுக்கும் தமிழ்மணத்தில் ஏற்கனவே கொடிகட்டிப் பறக்கும் சக எழுத்தாளர்களுக்கும் வணக்கங்கள்.

அனைவருக்கும் பலூன் மாமாவின் பாலூன் வாழ்த்துக்கள்.

பதிவு 01: எனது குடும்பம்

2005-08-19T09:35:00.001-04:00

test

2005-08-18T00:34:00.000-04:00